Bu xidmətlər paketi standart zəmanət müddətini 5 ilədək uzatmağa, həmçinin müəyyən edilmiş vaxt kəsiyində cavablanma / yaxud avadanlıqların bərpa edilməsi üçün servis xidmətlərinin əldə edilməsinə imkan verir. Xidmət yalnız alınmış HPE avadanlığı üçün texniki dəstəyin (istehsalçı zəmanəti və dəstək paketi) qüvvədə olduğu dövrdə təqdim edilir və etibarlılıq müddəti 1 və ya 2 il təşkil edir. 1 illik etibarlılıq müddəti olan zəmanət sonrası paketlərin hər birinin zəmanəti bir neçə illiyə uzatmaq mümkündür. Həmçinin HPE proqram təminatları və serverlərin peşəkar mühəndislər tərəfindən müştəriyə uyğun zamanda quraşdırılması üzrə xidmətlər paketi mövcuddur.

Biz korporativ müştərilərimizə avadanlıqların ömrünün bütün mərhələlərini əhatə edən xidmətlər təklif edirik. Bu xidmətlər müştərilərə xərcləri azaltmağa, vaxta qənaət etməyə, avadanlıqdan narahat olmamağa və İT resurslarından maksimum yararlanmaq üçün xüsusi şərait yaradır. Peşəkar mütəxəssislərimiz sizə ən uyğun texniki xidmət və müvafiq xidmət paketini seçməyə yardım edəcək. Müxtəlif avadanlıqlar üçün çeşidli xidmət paketləri istifadə oluna bilər. Siz sadəcə infrastrukturunuza xidmət göstərmək üçün özünüzə ən əlverişli variantı seçin.

Bu xidmətlər avadanlıqlarınızın ömrünü uzatmaq və cihazlarınızın təmiri, əvəzlənməsi və dəstəklənməsi üçün təqdim edilir. HP Break/Fix Care Packs geniş zəmanət paketlərinə daxildir: Offsite/Onsite Repair (müştərinin ofisində təmir / servis mərkəzində təmir), HP Accidental Damage Protection (təsadüfi zədələnməyə qarşı qoruma), HP Travel Coverage (səfər müddətində dəstək), HP Tracking & Recovery (məhsulun izlənməsi və qaytarılması üzrə xidmətlər), HP Defective Media Retention (nasaz daşıyıcıların saxlanması).

Lenovo zəmanətinin əlverişli şərtləri müxtəlif ehtiyacları ödəmək üçündür. Bu zəmanətə masaüstü kompyuterinizin yaxud digər avadanlığınızın ömrünə uyğun texniki xidmət müddətinin seçilməsi daxildir. Bu təklif, avadanlığın nasazlığı və ya təmir olunmasına görə yaranmış gözlənilməz xərcləri azaldır və beynəlxalq şirkətləri mövcud olduqları regionlarda yerli və regional dildə texniki xidmətlə təmin edir.